“Bərabər səviyyəli döyüş oldu. Qaliblərii mühakimə etmirlər. Hər şey Allahın əlindədir, deməli, belə olmalı idi”. APA TV-nin məlumatına görə, bu fikirləri boks yarışlarında I Avropa Oyunlarının gümüş mükafatçısı olmuş Xaybula Musalov deyib.

 

O bildirib ki, qazandığı nəticədən tam razı deyil: “Mən əlimdən gələni etdim. Maksimalist insanam. Gümüş medal mənim üçün elə də uğur deyil. Əgər birinci deyiləmsə, ümumiyyətlə, medal almamaq daha yaxşı olardı. Təskinlikverici odur ki, dünya çempionatına vəsiqə qazandım. İnşallah, orada yaxşı çıxış etməklə, Olimpiadaya vəsiqə qazanmağa çalışacam”.

 

75 kq çəki dərəcəsində finalda irlandiyalı Maykl O Reylli ilə qarşılaşan boksçumuz məğlubiyyətlə üzləşib. Nəticədə Musalov yarışı ikinci pillədə başa çatdırıb.