Qatil təslim oldu

İmişli rayonunda  qətl hadisəsi baş verib. 57 yaşlı rayon sakini çoxsaylı bıçaq zərbələri ilə qətlə yetirilib. APA TV-nin məlumatına görə, hadisə sentyabrın 6-da səhər saatlarında İmişli-Kürdəmir avtomobil yolunun kənarındakı örüş sahəsində baş verib. 1953-ci il təvəllüdlü İmişli rayon sakini Zeynalov Səmid adlı şəxslə həmyerlisi Nəsirov  Namiq arasında mübahisə yaranıb. Səmid  üzərində olan cib bıçağı ilə  Namiqə hücum çəkib. Onun bədəninə müxtəlif yerlərdən çoxsaylı bıçaq  zərbələri endirib. Namiq Nəsirov hadisə yerində dünyasını dəyişib. Cinayəti törədən şəxs  polisə gələrək əməlini  etiraf edib və təslim olub. Faktla bağlı İmişli Rayon Prokurorluğunda cinayət işi açılıb, araşdırma aparılır.

 

Müəllif | Apa.Tv
Əlibəy Zeynallı