Salyanın Seyidlər kənd sakini Arzu Quliyeva həyətindən 1 baş iribuynuzlu heyvanın naməlum şəxs və ya şəxslər tərəfindən oğurlanması barədə rayon polis şöbəsinə şikayət ərizəsi ilə müraciət edib.  Aparılan əməliyyat tədbirləri nəticəsində Cəlilabad rayonunun Qarazəncir kənd sakinləri Rafiq Qurbanov və Etibar Quliyev şübhəli şəxs qismində saxlanılıb. İlkin istintaq zamanı onların müxtəlif vaxtlarda Salyan, Biləsuvar və Cəlilabad rayonlarından hələlik 15 baş iribuynuzlu heyvan oğurladıqları məlum olub. Polis şöbəsinə gətirilən oğrular törətdikləri cinayəti etiraf ediblər. Faktla bağlı rayon polis şöbəsində cinayət işi açılıb. Hazırda onların yaxşın bölgələrdən oğurluq edib-etməmələri araşdırılır.