Bakının Qaradağ rayonunda ağır yol qəzası baş verib. APA-nın məlumatına görə, hadisə rayonun Ümid qəsəbəsinin ərazisində qeydə alınıb.

 

İki "KamAZ" və bir "Mercedes" markalı yük avtomobilləri toqquşub. Nəticədə hər üç avtomaşının sürücüsü ağır xəsarətlər alıb. Yük maşınlarından birinin yanacağı yola dağıldığından əraziyə FHN-nin yanğınsöndürənləri də çağırılıb.

 

Qəzadan sonra ərazidə nəqliyyatın hərəkətində sıxlıq yaranıb. Hər üç avtomaşın yol kənarına çəkildikdən sonra nəqliyyatın hərəkəti normallaşıb.

 

Faktla bağlı araşdırma aparılır.