Vyanada Tehranla "altılıq" ölkələri arasında İranın nüvə proqram ilə bağlı danışıqları davam edir.

 

APA TV-nin "Euronews"a istinadən verdiyi məlumata görə, yekun qərar sabah verilməlidir.

Avropa İttifaqının xarici işlər və təhlükəsizlik məsələləri üzrə komissarı Federiko Moqerini proses barədə açıqlama verib: "Tərəflər məsəlinin uzadılmasını istəməsələr də bu istisna deyil. Amma düşünürəm ki, biz ən əlverişli nöqtəyə gəlib çatmışıq. Məsələ zamanla bağlı deyil, siyasi məsələləri bir daha nəzərdən keçirib müsbət qərar verməliyik".

"Hər iki tərəf üçün həssas olan məsələlərin də qaldığını qeyd edən diplomat məhz bu məqamlar hər şeyi məhv edə bilər". Bu açıqlamanı isə ABŞ-ın dövlət katibi Con Kerri verib. "Biz danışıqlarda inkişafı hiss edirik, amma bir sözü demək istəyirəm. Bəzi məsələlərdə hələ nəzərdə tutduğumuz nöqtəyə gəlib çatmamışıq" - deyə, o əlavə edib.