İşğal altındakı Sərsəng su anbarınnın vəziyyəti ilə bağlı Tərtərdə müxtəif ölkələrdən olan alim və mütəxəssislərin iştirakı ilə beynəlxalq konfrans keçirilib. Konfrnsda bildirilib ki, erməni tərəfi su anbarından birgə istifadə kimi hiyləgər ideya ortaya atıb və çalışır ki, bunu hər iki tərəfin dinc əhalisini sülhə hazırlama layihəsinin tərkib hissəsi kimi təqdim etsin. APA TV-nin Qarabağ bürosunun məlumatına görə, faktiki vəziyyət beynəlxalq aləmi də ciddi narahat edir. Almaniya Bundestaqının sabiq deputatı Haqqı Kəskinsə bildirir ki, Ermənistan Birləşmiş Millətlər Təşkilatının, Avropa Birliyinin, Avropa Parlamentinin, Almaniya Parlamentinin qərarlarına məhəl qoymur. Qışda Sərsəngdən axıdılan su qoşunların təmas xəttinə yaxın yaşayış yerlərində su basmalara səbəb olur. Evlərdə və əkin sahələrində suya ehtiyac olduğu halda isə suyun qarşısı kəsilir.