Gəncədə əvvəllər məhkum olunmuş yaşlı kişi bıçaqlanıb.

 

APA TV-nin xəbərinə görə, araşdırma zamanı məlum olub ki, hadisəni törədən və zərərçəkən əvvəllər məhkumluq həyatı yaşayıb.

 

Bıçaqlanma hadisəsi şəhərin Məhsəti qəsəbəsində qeydə alınıb. Şəhər sakini Fərrux Hümbətov üzərində kəsilmiş-deşilmiş xəsarətlərlə Gəncə şəhər Təcili Tibbi Yardım Xəstəxanasına yerləşdirilib. Qarının qasıqüstü nahiyəsinin ön divarını dəlib-keçən yarası diaqnozu ilə dərhal əməliyyat olunan yaralının vəziyyəti orta-ağır kimi qiymətləndirilir.

 

Gəncə şəhər Kəpəz rayon Polis İdarəsi əməkdaşlarının keçirdiyi əməliyyat-axtarış tədbirləri nəticəsində cinayəti törətməkdə şübhəli bilinən, əvvəllər məhkum olunmuş İlqar Əliyev saxlanılıb.

 

Faktla bağlı araşdırma aparılır.