Rusiya Dövlət Dumasının sabiq sədri vəfat etdi
Rusiya Dövlət Dumasının keçmiş sədri Gennadi Seleznyov vəfat edib.
APA-nın “RİA Novosti”yə istinadən xəbərinə görə, ömrünün son aylarını ürək xəstəliyi ilə mübarizə aparmaqla keçirən Gennadi Seleznyov iyulun 19-da 68 yaşında Moskvada dünyasını dəyişib.
Gennadi Seleznyov 2-ci və 3-cü çağırış Rusiya Dövlət Dumasının sədri olub. O, "Vətən qarşısında xidmətlərinə görə" II dərəcəli medalı, “Xalqlar dostluğu” ordeni ilə təltif edilib. Bir neçə kitabın müəllifidir.
