Liviya Ali Məhkəməsi ölkənin keçmiş lideri Müəmmər Qəddafinin oğlu Seyf əl-İslam barəsində ən ağır cəzanı çıxarıb.

 

APA TV-nin "Vesti.ru"ya istinadən məlumatına görə, o, ölüm cəzasına məhkum edilib. Bu qərar Qəddafinin oğlu ilə bərabər daha 7 nəfərə şamil ediləcək.

Onların arasında Liviya Cəmahiriyyəsinin keçmiş baş naziri əl-Bağdadi əl-Mahmudi və ölkənin kəşfiyyat idarəsinin eks-rəhbəri Abdalla as-Siunsi də var.

Hökm oxunan zaman Müəmmər Qəddafinin oğlu zalda olmayıb. Ona bu qərarı saxlanıldığı Zintane şəhərindəki həbsxanada bildiriblər.

Xatırladaq ki, Seyf əl-İslam işlətdiyi ehtimal edilən cinayətlərə görə Beynəlxalq Cəza Məhkəməsi tərəfindən də axtarılırdı.