Noyabrda Azərbaycan, Gürcüstan və Türkiyə xarici işlər nazirlərinin Tiflisdə görüşü gözlənilir. APA-nın məlumatına görə, bu barədə Gürcüstanın Azərbaycandakı səfiri Teymuraz Şaraşenidze deyib. Görüşdə regional əməkdaşlıqla bağlı məsələlər müzakirə olunacaq.  Tərəflər ilk növbədə regional əməkdaşlığa siyasi və iqtisadi kontekstdə nəzər yetiriləcəklər.

 

Qeyd edək ki, XİN başçılarının son görüşü ötən ilin dekabrında Türkiyənin Qars şəhərində keçirilib. Tiflisdə keçiriləcək görüş diplomatik xidmət rəhbərlərinin üçtərəfli formatda keçirəcəyi sayca beşinci görüş olacaq.