İraqın Əl Faluca şəhərində xəstəxananın hava hücumuna məruz qalması nəticəsində 25 qadın və uşaq ölüb. APA TV-nin məlumatına  görə, bu barədə Sky News Arabia məlumat yayıb.

 

Məlumatda deyilir ki, İraq Hərbi-Hava Qüvvələrinə məxsus təyyarələr xəstəxanaya üç mərmi atıb. Partlayış nəticəsində 30 nəfər yaralanıb. Ölənlərin sayının artacağı istisna olunmur.

 

Qeyd edək ki, ötən gün İraqda şiələrin yaşadığı Sədr şəhərində törədilən partlayış nəticəsində ölənlərin sayı 80-ə çatıb.

 

Terror aktı nəticəsində 200-dən çox insan yaralanıb. Avtomobilə yerləşdirilmiş partlayıcı qurğu insanların sıx olduğu yerdə işə salınıb. Terror hadisəsinə görə  məsuliyyəti İŞİD üzərinə götürüb.