Xaçmazda dənizdə ölüm-dirim savaşı: bir nəfər öldü, iki nəfər xilas edildi
Xaçmazda bir nəfər dənizdə batıb, iki nəfər isə xilas olunub. APA TV-nin verdiyi xəbərə görə, Xaçmaz rayonu, Müqtədir qəsəbəsində 3 nəfər dənizdə çimərkən batmaq təhlükəsi ilə üzləşib. FHN-nin dalğıc-xilasediciləri onlardan ikisini xilas edib. Bir nəfərin isə axtarışlarına başlanılıb.
Bir müddət sonra 2000-ci il təvəllüdlü Abbasov Kamran Tofiq oğlunun cəsədi “Seyidli” sularda xilasetmə məntəqəsinin xilasediciləri tərəfindən tapılaraq çıxarılıb. Faktla bağlı araşdırma aparılır.
