İŞİD Türkiyə hakimiyyətinə qarşı hədə dolu video yayımlayıb. APA TV-nin "Euronews"a istinadən verdiyi məlumata görə, terror təşkilatı ölkənin son vaxtlar yeritdiyi siyasəti tənqid edib. Terrorçular başda prezident Rəcəb Tayyib Ərdoğan olmaq şərti ilə ölkə səlahiyyətlilərinin qərb koalisiyasına Türkiyə ərazisində İŞİD-i bombalamaq üçün yaradılan şəraitlə barışmayacaqlarını bildiriblər. İŞİD Türkiyənin dövlət başçısını təhqir edib və ölkə əhalisini öz hakimiyyətlərinə qarşı çıxmağa çağırıb. Bundan əlavə İŞİD İstanbulu ələ keçirəcəklərini də bəyan edib.