Bakı şəhərinin Nərimanov rayonunda baş vermiş dəhşətli hadisənin bəzi təfərrüatları məlum olub. APA TV-nin "Lent.az" a istinadən verdiyi məlumata görə, hadisə Oqtay Salamzadə küçəsində yerləşən çoxmərtəbəli binanın qarajında baş verib. Bildirilir ki, 22 yaşlı gənc, 1996-cı il təvəllüdlü qızla qarajda "Lexus" markalı avtomobildə olublar. Onlar avtomobilin salonunda olarkən kondisioneri qoşublar və zaman keçdikcə hava soyuducusunun buraxdığı zəhərli qaz maşının içinə dolub. Gecə saat 01:30 radələrində gənc oğlanın yaxınları qaraja gəliblər və burada faciəvi olayın şahidi olublar. Bəlli olub ki, gənc zəhərlənərək ölüb, gənc qız isə huşsuz vəziyyətdə qalıb.

 

Bundan sonra qız Kliniki Tibbi Mərkəzin Toksikologiya mərkəzinə yerləşdirilib.