Şəmkirdə faciə: ailənin iki azyaşlı uşağını cərəyan vurub öldürdü
Şəmkir rayonunda faciəli hadisə baş verib.
APA TV-nin yerli bürosunun xəbərinə görə, hadisə bu gün saat 11 radələrində rayonun Abbaslı kəndində qeydə alınıb.
Kənd sakini Şükür Qasımovun evində iki azyaşlı nəvəsi elektrik cərəyanı vurması nəticəsində ölüb.
Rayon prokurorluğunun əməkdaşları hazırda hadisə yerində araşdırma aparırlar.
İlkin ehtimala görə, evdə nəzarətsiz qalan 4 və 6 yaşlarında olan uşaqlar açıq naqilə toxunublar.
