Diyarbəkirdə PKK terrorçularının növbəti hücuma hazırlıq prosesinin havadan çəkilmiş görüntüləri yayımlanıb. APA TV-nin “Anadolu” agentliyinə istinadən yaydığı məlumata görə, kadrlarda şəhərin Sur qəsəbəsində ara küçələrdə xəndək qazaraq barrikadalar quran, ağır silahlarla silahlanmış terrorçuların görüntüləri  əks olunub. Bundan başqa terrorçuların Fatihpaşa məhəlləsində polislərə hücumu da havadan lentə alınıb. 

 

Diyarbəkir Əmniyyət Müdürlüyü də üzərindən Suriya Daxili İşlər Nazirliyinin vəsiqəsi çıxan terrorçunun vurulma anını yayımlayıb. Görüntüdə terrorçunun gizləndiyi yerdən polislərə atəş açdığı və cavab atəşi ilə öldürüldüyü yer alıb.

 

Diyarbəkirdə keçirilən əməliyyat zamanı terrorçulardan çoxlu sayda silah-sursat da götürülüb.