Yaxın iki-üç gün ərzində ölkə ərazisində qeyri sabit  hava şəraitinin davam edəcəyi gözlənilir. Ekologiya və Təbii Sərvətlər Nazirliyinin (ETSN) Milli Hidrometeorologiya Departamentindən APA TV-yə verilən məlumata görə,  Bakıda və Abşeron yarımadasında iki gün ərzində buludlu hava şəraiti üstünlük təşkil edəcək.

"Əsasən səhər və axşam saatlarında bəzi yerlərdə yağış yağacağı proqnozlaşdırılır. 28-i gün ərzində əsasən yağmursuz hava şəraiti gözlənilir. Mülayim şimal qərb küləyi əsəcək. Havanın temperaturu isə günorta saatlarında 24-28 dərəcə arasında dəyişəcək".

 

Bölgələrdə də şimşək çaxacağı, arabir yağış yağacağı gözlənilir. Bəzi yerlərdə isə əsasən də ayın 26-da yağışın leysan xarakteri olacağı ehtimal olunur.

 

"Havanın temperaturu bölgələrdə 22-27 dağlıq ərazilərdə isə 12-17 arasında dəyişəcək".

 

Yaxın iki gün ərzində Abşeron yarımadasında gözlənilən hava şəraiti əksər meteohəssas insanlar üçün əlverişlidir.