Azərbaycan Mərkəzi Bankı növbəti günlük valyuta məzənnələrini açıqlayıb. APA TV-nin məlumatına görə, uzun müddətli enişdən sonra ABŞ dollarının dəyəri artmaqda davam edir. Rəsmi məzənnəyə əsasən, 1 ABŞ dollarının dəyəri 1.0475 manatdır. İki gün əvvəl avro 1,2 manatlıq psixoloji həddi keçsə də, dünəndən etibarən Avrozonanın valyutası manat qarşısında dəyər itirməyə başlayıb. Mərkəzi Bank bu gün 1 avronun dəyərini 1.1885 manat olaraq müəyyən edib. Rusiya rublu da dünənə nisbətən manat qarşısında cüzi dəyər qazanıb. Hazırda 1000 Rusiya rublunun dəyəri 15 manat 20 qəpikdir.