"Qarabağ"ın ikinci dəfə Avropa Liqasının qrup mərhələsində oynamağa haqq qazanması Bakıda böyük coşqu ilə qeyd olunub. APA TV-nin məlumatına görə, Tofiq Bəhramov adına Respublika Stadionunda keçirilən "Qarabağ" "Yonq Boyz" oyunundan sonra Ağdam klubunun azarkeşləri komandalarının 3-0-lıq qalibiyyətinin qeyd etmək üçün Azadlıq meydanına toplaşıblar. Azərbaycan və "Qarabağ" klubunun bayraqları ilə bəzədilmiş maşınlarla azarkeşlər buradan avtoyürüşə start veriblər.

 

Qeyd edək ki, "Qarabağ" azarkeşlərinin qələbə yürüşü Azneft meydanına kimi davam edib.