Biləsuvar polisi narkotik vasitələrin qanunsuz dövriyyəsi ilə məşğul olan şəxslərin izinə düşərək onları ifşa edib. APA TV-nin cənub bürosunun məlumatına görə,  Sumqayıt şəhər sakini, 1986-cı il təvəllüdlü  Saməddin Vahidov  tanışı və həmyerlisi olan Bəhlul Əliyevlə cinayət əlaqəsinə girərək  şəxsiyyəti hələlik məlum olmayan İran vətəndaşından  narkotik maddə almaq üçün Biləsuvar rayonuna  gəlib.

 

Cinayətin digər iştirakçısı  Bəhlul Əliyev isə  hadisə yerindən qaça bilib. Saməddin Vahidovun çantasına  baxış keçirilərkən oradan narkotik maddədən  əlavə onun xarici ölkəyə getmək üçün qatara bilet aldığı da məlum olub. Saxlanılan şəxs polisə verdiyi ifadəsində narkotik maddəni əldə etdikdən sonra Rusiya Federasiyasına qaçmağı planlaşdırdığını  bildirib.

 

Faktla bağlı Biləsuvar Rayon Polis Şöbəsində cinayət işi açılıb,  hadisədə şübhəli bilinən digər şəxslərin də yaxalanaraq istintaq orqanlarına cəlb olunması istiqamətində əməliyyat-axtarış tədbirləri davam etdirilir.