Göygöldə 22 yaşlı piyadanı maşın vurub.

 

APA TV-nin qərb bürosunun məlumatına görə, hadisə Göygöl şəhərinin Nizami küçəsində qeydə alınıb.

 

Həmin küçədə yaşayan 1993-cü il təvəllüdlü Nazir Zeynalov yolu keçmək istəyərkən Məhərrəm adlı rayon sakininin idarə etdiyi “QAZel” markalı yük avtomobili tərəfindən vurulub. Yaralı hər iki ayağın sınığı xəsarətləri ilə Gəncə şəhər Təcili Tibbi Yardım Xəstəxanasına yerləşdirilib. Onun vəziyyətinin orta ağır olduğu bildirilir.

Faktla bağlı Göygöl rayon Polis Şöbəsində araşdırma aparılır.