Balakəndə 53 yaşlı kişi bədbəxt hadisə nəticəsində ölüb.

 

Balakən Rayon Polis Şöbəsindən APA TV-yə verilən məlumata görə, rayonun Qullar kənd sakini, 1962-ci il təvəllüdlü Fərhad Əhməd oğlu Əhmədov yaşadığı evdə 6-7 metr hündürlüyündə olan su çənində təmir işləri apararkən ehtiyatsızlıqdan yıxılıb.

 

Müxtəlif dərəcəli bədən xəsarətləri alan Fərhad Əhmədov Balakən Mərkəzi Rayon Xəstəxanasına (MRX) aparılıb.

 

Xəstəxanadan APA TV-yə verilən məlumata görə, ağır kəllə-beyin travması və bədənin müxtəlif nahiyələrinin çoxsaylı sınığı diaqnozu ilə xəstəxananın reanimasiya şöbəsinə yerləşdirilən Fərhad Əhmədov aldığı xəsarətlərdən sentyabrın 13-dən 14-ə keçən gecə orada ölüb.

 

Faktla bağlı Balakən rayon Prokurorluğunda araşdırma aparılır.