Bu gün günorta saatlarında Xaçmaz rayonu ərazisində yol-nəqliyyat hadisəsi baş verib.

 

APA TV-nın şimal bürosunun məlumatına görə, hadisə Gəndob-Yalama yolunun 26-cı km-də qeydə alınıb.

 

Xaçmaz şəhər sakini, 1975-ci il təvəllüdlü Şıxbala Zeynalovun idarə etdiyi 54 BD 518 dövlət nömrə nişanlı “VAZ-2106” markalı avtomaşınla 1974-cü il təvəllüdlü İsmayıl Məmmədovun idarə etdiyi 27 BL 840 dövlət qeydiyyatlı “Mercedes” toqquşub. Nəticədə xəsarət alan olmasa da, maşınlara ciddi ziyan dəyib.

 

Faktla bağlı araşdırmalar davam etdirilir.