Sabirabadda polis mayoru avtomobil qəzasında ölüb.

APA TV-nin Mil-Muğan bürosunun məlumatına görə, hadisə Hacıqabul-Bəhrəmtəpə magistralının 29-cu kilometrliyində, Sabirabad rayonunun Xəlfəli kəndi ərazisində baş verib.

 

Siyəzən polis şöbəsinin istintaq bölməsinin rəisi, İmişli rayon sakini, 1961-ci il təvəllüdlü Məmiyev Əlibaxış Məhəmməd oğlu ona məxsus "Opel Omega" avtomobili ilə qəzaya düşüb. Əlibaxış Məmiyev aldığı kəllə-beyin travmasından hadisə yerində ölüb. Hadisə zamanı avtomobildə olan ailə üzvləri xəsarət almayıb.

Xatıradaq ki, Əlibaxış Məmiyev əvvəllər Şirvan, Salyan və sonuncu dəfə Siyəzən polis şöbələrinin istintaq bölməsinin rəisi vəzifələrində çalışıb.
 

Faktla bağlı Sabirabad rayon Prokurorluğunda araşdırma aparılır.