Ötən gecə Bakının Suraxanı rayonunda 18 yaşlı gənc bıçaqlanıb. APA TV-nin məlumatına görə, hadisə Əmircan qəsəbəsində qeydə alınıb. Sabunçu xəstəxanasına çatdırılan rayon sakinin 18 yaşlı Sabir Böyükağa oğlu Əsgərova qarın boşluğunun kəsilmiş, deşilmiş yarası diaqnozu qoyulub. Xəstəxananın həkimi Aydın Kazımovun APA TV-yə verdiyi məlumata görə, xəstəyə dərhal müdaxilə edilib və o əməliyyat götürülüb: "Əməliyyat zamanı aydın oldu ki, yara daxilə nüfuz eləyib. Mədənin yaralanması aşkar olundu. Mədə yarası tikildi. Hal-hazırda vəziyyəti ağır stabil olaraq qalır. Həyatı üçün təhlükə yoxdur".

 

Faktla bağlı Suraxanı Rayon Polis İdarəsində araşdırmalara başlanılıb.