Tərtərdə qətl hadisəsi baş verib.

 

APA TV-nin "Report"a istinadən xəbərinə görə, rayonun 29 yaşlı sakini Fərid İntiqam oğlu Zeynalov bir neçə gün əvvəl evlənmək məqsədi ilə qaçırdığı 19 yaşlı Tofiqə Məhəmməd qızı Qurbanovanı öldürüb.

 

Tərtər Rayon Prokurorluğundan bildirilib ki, istintaqa məlum olan ilkin məlumatlara görə, Fərid Zeynalov ailəli olub və qaçırdığı Tofiqə Qurbanovanı birinci həyat yoldaşı ilə yaşadığı evə gətirib. Onlar bir yerdə yaşayıblar. Bu gün isə qadınlar arasında mübahisə düşüb. Mübahisə davaya çevrilib. Bu zaman Fərid Qurbanov qaçırdığı qızı boğaraq öldürüb.

 

Hadisə ilə bağlı Cinayət Məcəlləsinin 120.1-ci (Qəsdən adam öldürmə) maddəsi ilə cinayət işi açılıb.