Almaniya kansleri Angela Merkel gözlənilməz açıqlama ilə çıxış edib. APA TV-nin "Vesti.ru"ya istinadən xəbərinə görə, o, Suriyada münaqişənin nizamlanmasında Bəşər Əsədin iştirakını vacib saydığını bildirib.

"Biz bu məsələni bir neçə tərəfin iştirakı ilə həll etməliyik, sözsüz ki, Bəşər Əsəd də tərəf kimi təmsil olunmalıdır", - deyə Merkel əlavə edib. Kansler bildirib ki, bu danışıqlara ABŞ, Rusiya, İran və Səudiyyə Ərəbistanının qatılması labüddür.

Merkelin bu açıqlaması Qərbin Bəşər Əsədə münasibətində yumşaltma yaratmaq məqsədi daşıdığı bildirilsə də, Fransa bu fikirlərlə razı deyil. Ölkə prezidenti Fransua Olland gələcəyin Suriyasında Bəşər Əsədə ehtiyacın olmadığını söyləyib.