Bakıda “Qanun” Nəşrlər Evindən oğurluq olub.

 

Nəsimi Rayon Polis İdarəsindən APA TV-yə verilən məlumata görə, nəşriyyatın rəhbərliyi polisə müraciət edərək oradan içərisində 13 min ABŞ dolları olan seyfin oğurlandığını bildirib.

 

Rəis müavini Nadir Aslanovun sözlərinə görə, məlumat daxil olan kimi idarənin əməkdaşları hadisə yerinə gediblər. İlkin məlumata görə, oğurluğu törədən şəxslər ofisə açarsalma üsulundan istifadə edərək daxil olublar. Otaqda olan əşyaların dağıdılmaması hadisəni törədən şəxslərin seyfdə pulun olduğunu əvvəlcədən bilməsi kimi qiymətləndirilir. Hazırda faktla bağlı araşdırma aparılır.

 

Qeyd edək ki, “Qanun” Nəşrlər Evinin sahibi Şahbaz Xuduoğludur.