Ağstafa rayonunda yol-nəqliyyat qəzası baş verib.

 

APA TV-nin qərb bürosunun xəbərinə görə, hadisə Bakı-Qazax magistralının Ağstafa rayonun Qırılı kəndi ərazisindən keçən hissəsində qeydə alınıb.

 

Qazaxın Şıxlı kəndindən Gədəbəy rayonuna gəlin gətirməyə gedən "Hyundai" markalı avtomobil "Naz-Lifan" markalı avtomobillə  toqquşub. Qəza nəticəsində hər iki avtomobil yolun kənarına çıxıb. “Hyundai”ın sürücüsü, 54 yaşlı Dursun Əhmədov və onun 23 yaşlı qızı Aytəkin Əhmədova müxtəlif dərəcəli bədən xəsarətləri ilə Ağstafa Mərkəzi Rayon Xəstəxanasına yerləşdirilib. Yaralıların vəziyyəti orta-ağır qiymətləndirilir.

 

Fakta bağlı Baş Dövlət Yol Polisi İdarəsində araşdırma aparılır.