Göygöldə iki maşın toqquşdu: 1 yaralı
Göygöldə 1 nəfərin yaralanması ilə nəticələnən yol-nəqliyyat hadisəsi baş verib.
APA TV-nin qərb bürosunun məlumatına görə, hadisə Gəncə Şəmkir yolunun Göygöl rayonun Quşqara kəndi ərazisindən keçən hissəsində qeydə alınıb.
“Opel” markalı avtomobillə “QAZ-24” markalı avtomobilin toqquşması nəticəsində “Opel”də olan sərnişin, Goranboy rayonunun Cinli Boluslu kənd sakini, 1990-cı il təvəllüdlü Nərgiz Hüseynova xəsarət alıb. Yaralı dərhal Gəncə şəhər Təcili Tibbi Yardım xəstəxanasına yerləşdirilib. Onun vəziyyətinin orta ağır olduğu bildirilir.
Faktla bağlı Göygöl rayon Polis Şöbəsində araşdırma aparılır.
