Qubada iki maşın toqquşdu
Quba rayonu ərazisində yol-nəqliyyat hadisəsi baş verib.
APA TV-nin şimal bürosunun verdiyi məlumata görə, qəza Quba-Xaçmaz yolunun Alekseyevka kəndi ərazisində hissəsində qeydə alınıb.
Quba rayon sakini Yusif Nöhbalayevin idarə etdiyi “Nissan” markalı avtomaşınla “VAZ-21015” markalı nəqliyyat vasitəsi toqquşub. Qəza nəticəsində “VAZ-21015”-də olan iki nəfər müxtəlif bədən xəsarətləri ilə Quba Mərkəzi Rayon Xəstəxanasına yerləşdirilib.
Faktla bağlı Quba rayon Polis Şöbəsində araşdırmalar aparılır.
