Ötən gecə  Xaçmazda iki piyadanın vurulması ilə nəticələnən yol nəqliyyat  hadisəsi baş verib. İdarəetməni itirən sürücü piyadalardan başqa iki avtomobilə də çırpılıb.

 

Qəza  Gəndob-Yalama yolunun 40-cı km-də, rayonun Qusarçay kəndi ərazisindən keçən hissəsində  qeydə alınıb. Xaçmaz şəhər sakini Etibar Məcidovun idarə etdiyi “Ford Mandeo”, 90 GG 609 dövlət nömrə nişanlı avtomaşınla Yalama istiqamətində hərəkətdə  olarkən 38 yaşlı Xaçmaz rayonu, Qusarçay kənd sakini Şirəli  Cəbrayılovu vurub. Bundan sonra yolun kənarında dayanan  60 yaşlı   Qeybulla Laçınova məxsus hərəkətsiz olan “44 BJ 479” dövlət nömrə nişanlı “Vaz 2106” markalı avtomaşınla toqquşub.  Toqquşmadan sonra yolun kənarında dayan digər piyada 28 yaşlı Xaçmaz rayonu, Qusarçay kəndində yaşayan Asif Tayıbovu  vurub. Daha sonra isə yolun kənarında dayanan 56 yaşlı Qusarçay kənd  sakini Ələkbər Məmmədova məxsus “Qaz 33022” markalı avtomaşına çırpılıb.

 

Qəza nəticəsində xəsarət alan piyadalar Xaçmaz Mərkəzi Rayon Xəstəxanasına yerləşdirilib. Faktla bağlı Baş Dövlət Yol Polis İdarəsinin istintaq və təhqiqat bölməsində araşdırmalar davam etdirilir.