Almaniya kansleri Angela Merkelin Yaxın Şərqdən olan məcburi köçkünlərlə bağlı siyasəti ölkəsində kəskin tənqidlərə məruz qalır.

 

APA TV-nin xəbərinə görə, Almaniya Dövlət Televiziyası - ARD telekanalı fotomontaj vasitəsilə efirdə kanslerə qara çarşab geyindirib.

 

Etirazlar səbəb kanslerin siyasətinin ölkəyə kütləvi immiqrant axınına səbəb olmasıdır. Telekanalda yayımlanan "Bericht aus Berlin" verilişindəki müzakirələrdən də, Drezdendeki Almaniya vətəndaşlarının etiraz aksiyalarından da bu qənaət hasil olub.

 

Ekspertlər bildirir ki, hətta Merkelin öz koalisiyasında da kanslerin siyasətin bəyənməyənlər var. Seçicilərdə isə siyasi liderə qarşı tərəddüdlər artıb. Çünki proqnozlara görə, Almaniyada sığınacaq axtaranların sayı ilin sonunadək 1 milyon nəfəri ötə bilər.