NATO-nun baş katibi Yens Stoltenberq Rusiya hərbi təyyarələrinin Türkiyənin hava məkanını pozmasının təsadüf olmadığını bildirib.

 

APA-nın RBK-ya istinadən verdiyi məlumata görə, Yens Stoltenberq bunu Brüsseldə keçirdiyi mətbuat konfransında deyib. “Bizim nöqteyi-nəzərimizdən bu, təsadüfə oxşamır. Həm də nəzərə almaq lazımdır ki, hadisə iki dəfə baş verib”, - deyə baş katib bildirib.

 

Yens Stoltenberq ona verilən informasiya əsasında bu qənaətə gəldiyini söyləyib.

 

Xatırladaq ki, Suriyada hərbi əməliyyatlar keçirən Rusiya hərbi təyyarələri oktyabrın 3-4-də iki dəfə Türkiyənin hava məkanını pozub.