Quba rayonunda ilk dəfə olaraq arı havası ilə müalicə metodundan istifadə edilir. APA TV-nin şimal bürosunun məlumatına görə, uzun müddətdir arıçılıqla məşğul olan Əziz Ələkbərov bu sahədə Almaniya və Türkiyə təcrübəsindən istifadə edir.

 

Onun sözlərinə görə, bu, Azərbaycanda açılan ilk belə yerdir. Yeni fəaliyyətə başlamasına baxmayaraq burada müalicə almağa gələnlər az deyil. Arı havası ilə müalicənin saatı 5 manat təşkil edir.

 

Bronxial astma, təzyiq, yuxusuzluq və digər bu kimi xəstəliklərdən əziyyət çəkən insanlar günlərinin bir neçə saatını burada keçirir. Arıçı bu müalicə üsulunun gələcəkdə də geniş tətbiq olunacağına inanır.