Suriya ordusu və İran-Hizbullah koalisiyası Hələb şəhərindəki döyüşçülərlə hücuma hazırlaşır.

 

APA TV-nin "Reuters"ə istinadən xəbərinə görə, bu məqsədlə prezident Bəşər Əsədə dəstək üçün İrandan Suriyaya 1000 əsgər göndərilib.

 

Hücum hələ bir həftə öncə Həma əyalətindəki terrorçularla toqquşmalarda iştirak edən əsgərlər tərəfindən həyata keçiriləcək. Hazırlıqlar artıq başa çatıb və hazırda Suriya və Hizbullah qruplaşmasının daha təcrübəli döyüşçülərinin prosesə cəlb olunması istiqamətində iş aparılır. Bu məsələdə həlledici rolu İran oynayacaq.

 

Hücum planının yaxın zamanda reallaşacağı bildirilir. Hücuma Rusiya aviasiyasının da dəstək verəcəyi bildirilir.