Çin səmasında qeyri-adi hadisə baş verib. APA TV-nin "Vesti.ru"ya istinadən xəbərinə görə, Foşan qəsəbəsinin üzərində buludlar böyük bir şəhərin mənzərəsini yaradıblar.

 

İnternet istifadəçiləri bu mənzərinin videomontaj olduğunu istisna edirlər. Yerli əhali tərəfindən "nağıl-şəhər" adlandırılan bu görüntü bir neçə dəqiqə davam edib. Ekspertlər isə bunun "Fata-morqan" adlı ilğım olduğunu bildirirlər.

Belə görüntülərə Çin səmasında ilk dəfə deyil rast gəlinir. Bu yaxınlarda ölkənin Tzyansi əyalətinin sakinləri səmada başqa bir maraqlı görüntü izləyiblər. Həmin mənzərə təxminən 30 dəqiqə davam edib.