Şirvanda 45 yaşlı kişi bıçaqlanıb. APA TV-nin Mil-Muğan bürosunun məlumatına görə, bıçaqlanma hadisəsi ötən gün Şirvan şəhərində qeydə alınıb. Şirvan sakini, “Sürücülük yataqxanası”nda yaşayan 1970-ci il təvəllüdlü Əliyev Teymur Cavadağa oğlu naməlum şəxs tərəfindən bıçaqlanıb. Sonuncu daxilə nüfuz edən yara diaqnozu ilə Şirvan şəhər xəstəxanasının cərrahiyə şöbəsinə yerləşdirilərək əməliyyat olunub. O, əməliyyatdan sonra reanimasiya şöbəsinə yerləşdirilib.

 

Cinayəti kim tərəfindən törədilməsinin müəyyənləşdirilməsi istiqamətində əməliyyat-axtarış tədbirləri həyata keçirilir.

 

Faktla bağlı Şirvan polis şöbəsində cinayət işi açılıb, araşdırma aparılır.