Cəlilabadda qətl hadisəsi baş verib. APA Tv-nin cənub bürosu xəbər verir ki, hadisə rayonun Cəlayir kəndində qeydə alınıb. Kənd sakini, 33 yaşlı Elnur Mirzəyev şəxsi münaqişə zəminində həmkəndlisi, 18 yaşlı Niyaməddin Bayramovun boğazına bel kəmərini dolamaqla onu boğaraq öldürüb. Qətli törətdikdən sonra Elnur daxili işlər Nazirliyinin 102 xidmətinə zəng edərək törətdiyi cinayət  barəsində məlumat verib. Hadisə yerinə gəlimiş Cəlilabad Rayon Polis Şöbəsinin əməkdaşları Niyaməddin Bayramovun meyitni göstərilən ərazidə  aşkar ediblər.

 

Həmkəndlilər arasında münaqişənin 18 yaşlı Niyaməddin tərəfindən bir müddət  əvvəl Elnur Mirzəyevin qardaşı qızının qaçırılması və qısa müddətdən sonra onların ayrılması səbəbindən baş verdiyi bildirilir. Elnur Mirzəyevin qətli törətməkdə məqsədi boşanmış qardaşı qızının qisasını almaq olub.

 

Faktla bağlı Cəlilabad rayon prokurorluğunda Cinayət M əcəlləsinin qəsdən adamöldürmə maddəsi ilə cinayət işi başlanıb, araşdırmalar davam etdirilir.