"Türkiyənin  vurduğu pilotsuz təyyarə Rusiyaya məxsusdur". APA TV-nin "Reuters"ə istinadən verdiyi məlumata görə, ABŞ ekspertləri bu qənaətdədir.

"Moskva bunu təkzib edir, çünki rus aviasiyası Suriya ordusunun Hələb üzərinə hücuma keçməsi ərəfəsində faktı etiraf edə bilməz. Bu həm də Türkiyənin ruslara xəbərdarlığı kimi qəbul edilməlidir", deyə amerikalı ekspertlər bildiriblər.

Türkiyə rəsmiləri pilotsuz təyyarənin hansı ölkəyə məxsus olduğunu açıqlamırlar.
ABŞ kəşfiyyatının araşdırmalarına görə, həmin təyyarə Rusiyaya aiddir.

Türkiyə Silahlı Qüvvələrinin Baş Qərargahındakı mənbə pilotsuz təyyarənin "Orlan-10" tipli Rusiyanın Yüksək Texnologiya Mərkəzinin istehsalı olduğunu açıqlayıb.