İŞİD terror təşkilatı öz fəaliyyətini Avropa, Rusiya, Mərkəzi və Cənub-Şərqi Asiya regionunadək genişləndirmək planına sahibdir. APA TV-nin məlumatına görə, bu bəyanatla Rusiya müdafiə nazirinin müavini Anatoli Antonov deyib.

 

Onun sözlərinə görə, hazırda İŞİD stabil gəlir mənbələrinə və yaxşı təchiz olunmuş orduya sahibdir. Antonov İŞİD terrorçularının MDB ölkələrinə və Çinə çıxışının Əfqanıstan vasitəsilə gerçəkləşə biləcəyini deyib. Onun sözlərinə görə, Əfqanıstanın şimal əyalətlərində stabilliyin pozulması İŞİD üçün əlverişli imkan yaradır.

 

Son zamanlar İŞİD-ə bağlı qrupların Əfqanıstanda çoxsaylı terror aktları törətdiyinə diqqət çəkən general qeyd edib ki, Əfqanıstanda sonra terrorçuların hədəfi Mərkəzi Asiya respublikaları və Çinin Tsinzyan – Uyğur vilayəti ola bilər.