Bakı-Qazax magistral yolunda 2 nəfərin ölümü ilə nəticələnən yol-nəqliyyat qəzası baş verib.

 

APA TV-nin qərb bürosunun xəbərinə görə, hadisə magistral yolun Goranboy rayonunun Borsunlu kəndi ərazisindən keçən hissəsində qeydə alınıb.

 

Hərəkətdə olan “Mercedes” markalı avtomobil yolun kənarına aşıb. Qəza zamanı avtomobil yanıb və içərisində olan iki nəfər ölüb. Ölənlər Goranboy rayonunun Dəliməmmədli şəhər sakinləri, “Mercedes” markalı avtomobilin sürücüsü - 1992-ci il təvəllüdlü  Bilal İbrahimov və sərnişin 1984-cü il təvəllüdlü Rövşən Həsənovdur.

 

Faktla bağlı Baş Dövlət Yol Polisi İdarəsində araşdırma aparılır.