Ağdamda bıçaqlanma hadisəsi baş verib. APA TV-nin Qarabağ bürosunun xəbərinə görə, 1973-cü il təvəllüdlü Vüqar Əjdər oğlu Baxşəliyev bıçaq yarası ilə Ağdam Mərkəzi Rayon Xəstəxanasına yerləşdirilib.

 

Onun Bakı şəhərindən Ağdamın Üçoğlan ərazi nümayəndəliyinin Səfərli kəndinə qonaq gəldiyi bildirilib.

 

Xəstəxanadan qarının ön divarının deşilmiş-kəsilmiş yarası alan Vüqar Baxşəliyevin cərrahiyyə əməliyyatı olunduğu açıqlanıb.

 

Ağdam Rayon Polis Şöbəsinin əməkdaşları hadisənin təfərrüatlarını araşdırır.