DİN: Bakıda 28 nəfər içməli sudan zəhərlənib
Daxili İşlər Nazirliyi Bakıda baş verən kütləvi zəhərlənmə ilə bağlı məlumat yayıb.
APA TV-nin nazirliyin saytına istinadən verdiyi məlumata görə, oktyabrın 22-də Suraxanı rayonunun Qaraçuxur qəsəbəsində yerləşən yataqxanada yaşayan 28 nəfər - 4 kişi, 5 qadın, 19 azyaşlı içməli sudan zəhərlənib.
Onlar 5 saylı Yoluxucu Xəstəliklər Xəstəxanasına yerləşdiriliblər. Zərərçəkənlərdən 8 nəfərinə ilkin tibbi yardım göstərildikdən sonra buraxılıb.
Faktla bağlı araşdırma aparılır.
