Türkiyə balıqçıları Egey dənizində yaşyarımlıq körpəni boğulmaqdan xilas ediblər. APA TV-nin "Euronews"a istinadən verdiyi xəbərə görə, hadisə Quşadası sahillərində qeydə alınıb.

 

Körpəni xilasedici jiletdə aşkarlayıblar və əvvəlcə onun öldüyünü zənn ediblər. Daha sonra onun yaşadığı məlum olub.

Azyaşlının Egey vasitəsilə Avropaya keçən miqrantlardan birinin uşağı olduğu güman edilir.

 

Xatırladaq ki, 3 gün əvvəl ərazidə qaçqınları daşıyan iki qayıq çevrilib. Hadisə zamanı 2 nəfər ölüb, 16 nəfər itkin düşüb.