Bu gecə Xaçmaz rayonunda yol-nəqliyyat hadisəsi baş verib.

 

APA TV-nin şimal bürosunun məlumatına görə, Gəndob-Yalama yolunun 26-cı kilometrliyində 27 BJ 936 dövlət nömrə-nişanlı, “VAZ-21012” markalı avtomobil yol kənarında hərəkətsiz vəziyyətdə olan 27 BB 655 dövlət nömrə-nişanlı, “QAZ-52” markalı yük avtomobilinə çırpılıb.

 

Qəzadan sonra minik maşınında olan Xaçmaz rayon Mürşüdoba kənd sakinləri - 25 yaşlı İlham Hüseynov, 45 yaşlı Rövşən Əşrəfov və Sabiroba kənd sakini, 39 yaşlı Bəxtiyar Balaməmmədov Xaçmaz Mərkəzi Rayon Xəstəxanasına çatdırılıb. Xəstəxanadan verilən məlumata görə, xəstələrin hər 3-ü sərxoş olub, vəziyyətləri isə stabildir.

 

Faktla bağlı araşdırma aparılır.