Ötən gün Egey dənizinin Yunanıstanın Midilli adasının yaxınlığında qaçqınları daşıyan qayığın batması nəticəsində 5-i uşaq olmaqla 8 nəfər ölüb.

 

APA TV-nin türk mətbuatına istinadən məlumatına görə, qayıqda 250 nəfər yaxın sərnişin olub. Onlardan 36-sı itkin düşüb. Bölgədəki axtarış əməliyyatlarına yunan və türk balıqçıları da qoşulublar.
 

Xilas edilənlər Midilli xəstəxanasına çatdırılıblar. Onların həyatı üçün təhlükə olduğu bildirilib.
 

Məlumata görə, 250 nəfəri daşıyan qayıq əlverişsiz hava şəraitinə görə batıb. Xatırladaq ki, son iki gündə baş verən qayıq faciələrində 10-u uşaq olmaqla 15 nəfər boğularaq can verib.