"Dağlıq Qarabağ ərazisində sərhədin məsul şəxsləri bizimlə əlaqədə deyil". APA TV xəbər verir ki, bu fikirləri İran Sərhəd Qoşunlarının komandanı, general-leytenant Hüseyn Zülfüqari Dağlıq Qarabağ ərazisinin narkotik tranziti məqsədi ilə istifadə edilməsi məsələsinə münasibət bildirərkən deyib.

 

İran rəsmisi iki ölkə sərhədində qaçaqmalçılığın qarşısının alınması üçün bütün tədbirlərin görüldüyünü deyib. Onun sözlərinə görə, ay ərzində İran tərəfi təxminən 38 ton narkotik aşkarlayır. Bununla mübarizədə İranda 4 min insan həlak olub, 12 min nəfər yaralanıb. O təəssüflə bildirib ki, Azərbaycan və İranda bu bizneslə əlaqədar iş birliyi quran insanlar var.