Goranboyda 3 nəfərin yaralanması ilə nəticələnən yol qəzası baş verib. APA TV-nin qərb bürosunun məlumatına görə, hadisə dünən axşam saatlarında rayonun Qaradağlı kəndi ərazisində qeydə alınıb.

 

"VAZ-2106" markalı avtomobil hərəkətdə olarkən başqa bir avtomobillə toqquşub. Qəza nəticəsində "VAZ-2106"-da olan Gəncə şəhər sakinləri - 63 yaşlı Saday Quliyev, onun həyat yoldaşı, 55 yaşlı Həvayət Quliyeva və övladı, 25 yaşlı Sədir Quliyev bədən xəsarətləri alaraq Gəncə şəhər Təcili Tibbi Yardım Xəstəxanasına yerləşdiriliblər.

 

Faktla bağlı Goranboy rayon Polis Şöbəsində araşdırma aparılır.