Türkiyədə sabah saatlarında keçirilən "paralel hökumət" əməliyyatında aralarında valilər, keçmiş polis rəisləri və yüksək çinli bürokratların olduğu 44 nəfər saxlanılıb.

 

Ankarada keçirilən əməliyyatda həbs olunanlar arasında 3 Mərkəz valisi, polis rəisi, köməkçiləri və müfəttişlər var. Saxlanılan şəxslərdən Mərkəz valiləri Ahmed Kaya, Mehmet Oduncu, Sadık Altınkaynak, Daxili İşlər Nazirliyi təftiş qurumundakı mülki müfəttiş Fərda İleri, keçmiş İzmir Polis müdiri Ali Bilkay, keçmiş Afyon Polis Məktəbi Müdiri Müjdat Karagöz, keçmiş İzmir Polis müdiri köməkçisi Mehmet Ali Şevik ilə mütəşəkkil cinayətlərlə mübarizə şöbə müdirinin köməkçisi Taner Aydın, Eskişehir vali köməkçisi Mesut Kesen ifadələri alınmaq üçün polisə aparılıb. Əməliyyat mərkəz İzmir olmaqla Paytaxt Ankarada və 12 vilayətdə keçirilib.

 

Prokurorluğun sanksiyası ilə keçirilən əməliyyatda saxlananlar İzmir Polis İdarəsinin Mütəşəkkil Cinayətlər Şöbəsinə aparılıb.